Президентимизнинг 2025 йил 19 сентябрда “Ўзбекистон Республикасида аҳоли ва қишлоқ хўжалигини рўйхатга олиш тадбирини ўтказиш тўғрисида”ги ПФ–173-сонли Фармонига асосан 2026 йил 15 январдан 28 февралгача мамлакатимизда аҳоли ва қишлоқ хўжалигини рўйхатга олиш тадбирлари ўтказилади.

Ушбу фармонда белгиланган вазифалар ижросини таъминлаш юзасидан Республикадан туманимизга бириктирилган "Ўзкимёсаноат" АЖ масъуллари Ёзёвон маҳалла фуқаролар йиғинида Ўзбекистон Республикасида аҳоли ва қишлоқ хўжалигини рўйхатга олишда “Инсон” ижтимоий хизматлар маркази ходимлари билан ўқув семинарининг якуний босқичини ўтказдилар.

Рўйхатга олиш бошланишига оз фурсат қолмоқда. Бу жараёнда барчамиз амалда кўрсатилган қоидаларга амал қилган ҳолда ўтказишимиз даркор.