Ёзёвон 1-политехникумида тадбиркорликни ривожлантириш, уларнинг фаолиятларида юзага келаётган муаммоларни ўрганиш ҳамда бартараф этиш, янги имконият ва драйверларни аниқлаш мақсадида тадбиркорлар ва уни йўлга қўйиш истагида бўлган фуқаролар учун сайёр қабул бўлиб ўтди.

Сайёр қабулни вилоят ҳокимининг биринчи ўринбосари Мирзоҳид Убайдуллаев очиб, тадбиркорликни ривожлантириш, тўсиқ бўлаётган муаммоларни жойида ҳал қилинишини ташкил этиш ва бу билан аҳолининг иш билан бандлигини ошириш ва камбағалликни қисқартириш мумкинлиги ҳақида гапириб, бугун уларнинг муаммоларини ҳал этиш мақсадида келганликларини гапириб ўтди.

Тадбиркорлар қабулида Ўзбекистон Республикаси Президенти ҳузуридаги Бизнес Омбудсман девони вилоят раҳбари Муроджон Пўлатов, вилоят бошқармалари раҳбарлари иштирок этишиб, тадбиркорлар мурожаатларини атрофлича кўриб чиқдилар.

Қабулда 30 нафардан зиёд фуқаролардан имтиёзли банк кредити олиш, мебелчилик билан шуғулланиш учун дастгоҳ сотиб олиш, кадастр билан боғлиқ масалалар, электр энергияси, ичимлик суви таъминотини яхшилаш, солиқ бўйича муаммолар, тадбиркорлик учун А 373-йўли бўйидан жой олиш каби масалаларда мурожаатлар йўлланди.

Ҳар бир йўлланган мурожаатларни қонуний ҳал этиш юзасидан масъуллар бириктирилиб, муддат белгиланди. Ижроси назоратга олинди.