Туман марказида жойлашган Баҳор МФЙ энг намунали маҳаллалардан бири. Маҳаллада асфальт бўлмаган, ёритилмаган кўча қолмаган. Бу маҳалла аҳлининг ҳамжиҳатлигидандир. Лекин маҳалла идораси талабга жавоб бермасди.

Мустқаллигимизнинг 34 йиллиги арафасида Баҳор маҳалла фуқаролар йиғини учун янги бино фойдаланишга топширилди.

Янги бино очилишида туман ҳокими Дилшоджон Джалилов, ўринбосарлари, юртимиз улуғлари, кенг жамоатчилик вакиллари қатнашдилар.

--Маҳалланинг замонавий биноси давлат шерикчилик асосида қурилди,--деди туман ҳокими.--Илгари бундай ишлар йўқ эди. Ерни бердик. Тадбиркор бинони қуриб берди. Бу маскан кўп йиллар маҳалла аҳли учун хизмат қилсин. Баҳор ташаббускор маҳалла. ПрезидентимизнингПҚ-1 қарори бўйича кўргазмали семинар ҳам биринчи бўлиб, шу маҳаллада ўтказилган. Янги бино маҳалла еттилиги, маҳалла аҳлига қутлуғ бўлсин.

Маҳалла аҳли, меҳмонлар учун дастурхон ёзилиб, элга ош тарқатилди. Юртга тинчлик-омонлик тиланиб, Президентимиз бош раҳбарларга миннатдорчилик билдирилиб дуолар қилинди.

Рамзий тасма қирқилди. Эндиликда бу бинода мурожаатлар, бандлик ва ижтимоий ёрдам масалалари, профилактик учрашувлар, маънавий-маърифий тадбирлар ҳамда ёшлар лойиҳаларини бир нуқтада тез ва шаффоф кўринишда амалга ошириш имконияти яратилди.

Тадбирда маҳалла еттилиги аъзолари ва фаолларга эсдалик совғалари топширилди.