Туман тиббиёт бирлашмасига қарашли Чўлигулистон 35- оилавий поликлиникаси(ОП) Сувлиариқ ва Чўлигулистон МФЙ нинг 10 минг аҳолисига ҳизмат кўрсатади. Иқтисодиёт ва молия Вазирлиги ҳузуридаги "Қишлоқ инфратузилмасини ривожлантириш ройиҳаси" доирасида 35- ОП га қўшимча бино қуриш ва жиҳозлаш,  мавжуд бинони жорий таъмирлаш ишлари олиб борилиб, 2 млрд сўм маблағ сарфланди. Мустақиллигининг 34 йиллиги арафасида фойдаланишга топширилди.

    Тадбирда туман ҳокими Дилшоджон Джалилов, ҳоким ўринбосарлари, ташкилот, корхона раҳбарлари, тиббиёт ходимлари, нуронийлар ва кенг жамоатчилик вакиллари иштирок этишди.

Туман ҳокими сўнгги йилларда юртимизда барча соҳаларда кенг кўламли ижобий ишлар амалга оширилаётгани борасида нутқ сўзлади.

–Мустақиллик арафасида кўплаб бинолар очиляпти, – деди туман ҳокими. – Охирги йилларда туманимизда таълим, тиббиёт соҳасида улкан қурилиш, бунёдкорлик ишлари амалга оширилди. Шаҳардагилардан қолишмайдиган даражада ижобий ишлар бўляпти. Яратилган шароитлар барчаси шу халқимиз учун. Булардан оқилона ва кейинги авлодларга асраб-авайлаб фойдаланишимиз керак.

Кенг жамоатчилик иштирокида рамзий тасма қирқилиб, бино фойдаланишга топширилди. Ташриф буюрганлар яратилган шароитлар билан танишиш борасида бу ерга келаётган бемор қабули рақамлаштирилганига эътибор қаратилди. Энди ҳеч ким таниш-билишлик қилиб, врач қабулига кира олмайди. Навбат рақамини олади ва чақиртирилади.

Шундай жойларни барпо бўлишида бош бўлаётган Президентимизга раҳматлар айтишиб, дуолар қилишди.