Туман ҳокими Дилшоджон Джалилов Ўзбекистон кўзи ожизлар жамияти туман бўлимида кўзи ожиз, ногиронлиги бўлган фуқаролар муаммолари юзасидан қабул ўтказди.

Туман ҳокимининг қабулида жамият ходими Бекзод Абдураҳмонов жамият кутубхонасини брайл ёзувидаги адабиётлар билан бойитиш, электр таъминотидаги муаммо ҳамда ўзи яшаши учун арзонлаштирилган уй-жой билан таъминланиш масаласида, Манзура Худоёрова мутахассислиги бўйича ишга жойлашиш, Ойгул Сотволиева уй-жой, мутахассислиги бўйича иш ставкасини кўпайтириш, Мадамин Қўрчиев эса уй-жойини таъмирлашда амалий ёрдам сўраб мурожаат қилишди.

Туман ҳокими тегишли масъуллар билан йўлланган мурожаатларни бирма-бир кўриб чиқиб, муаммони бартараф этиш чораларини кўришди. Ҳар бир мурожаатни ҳал этиш учун муддат белгиланиб, ижроси назоратга олинди. Ногиронлиги бор фуқаролар доимо эътиборда бўлиши кераклиги уқтирилди.

Қабулдан сўнг жамиятда яратилган шароитлар билан танишилди.